معاهد الحاسبات والمعلومات المرتبطة بكلية الهندسة

عاشق الحاسبات · #1 19-12-2007, 10:25 مساءً

معاهد الحاسبات والمعلومات المرتبطة بكلية الهندسة

معاهد الحاسبات المرتبطة بكلية الهندسة
السلام عليكم ورحمة الله وبركاته...
يوجد بعض المعاهد الخاصة البالغة الصعوية مثل حاسبات ومعلومات ابو قير - جامعة الإسكندرية ... هذا المعهد الدراسة به بالغة الصعوبة يمكن اصعب من كلية الحاسبات والمعلومات الحكومية بدليل ان معظم خريجي هذا المعهد وهو الوحيد التي يتم طلب خريجيه الي شركات الإتصالات المحلية و العربية .. والمرتبط بكلية الهندسة جامعة الإسكندرية من جهة الاستاذة الجامعين و المعيدين و للتأكد من الممكن تصفح موقع هذا المعهد وموقع كلية الهندسة جامعة الإسكندرية وسوف تري ان اسماء الاستاذة بكلية الهندسة جامعة الإسكندرية هم الذين تندرج اسماؤهم بموقع المعهد العالي للحاسبات والمعلومات - أبو قير الأسكندرية .. ولكنها لاتندرج تحت مسمي نقابة المهندسين ... ولكنه تابع لها من جهة الأستاذة الجامعية ...فأني اطالب وزراة التعليم العالي والمجلس الأعلي للجامعات بضم هذا المعهد فقط الي نقابة مهندسي البرمجيات - التابع لكلية الحاسبات والمعلومات جامعة القاهرة www.esea-online.org
وشكرا
مهندس/محمد امين
http://163.121.78.222/moltaka/forum_...p?TID=299&PN=1

y.k.t · #2 29-12-2007, 01:37 صباحاً

السلام عليكم
احب اقول للمهندس محمد انة كلامة فعلا ممكن يكون صح عن مدى الصعوبة فى معهد الحاسبات و دا طبعا مش مبرر انهم ينضموا لنقابة المهندسين بس بردوا مش مبرر انهم ينضموا انقابة مهندسى البرمجيات لان مهندسى البرمجيات يفرقوا عنهم بكتير اساسا فى بعض المحافظات خريج حاسبات بيكون تبع نقابة المعلمين وبعدين مهندسى البرمجيات لسة بيجمعوا نفسهم علشان يكونوا نقابة وربنا معاهم ومش عايزين حد معاهم وبالاخص بتوع المعهد دول لانهم كمان زى ما بيشاركوكم فى النقابة بيشركونا فى الكلية ودايما بتوع حاسبات لما يقول انة فى حاسبات دايما الناس بتفتكرة فى المعهد واظن دا كفاية عليهم اوى يمكن دى تكون وجهة نظرى بس انا شايفة ان كتير من طلاب حاسبات ان شاء الله هيفقونى فى الرد وعلى فكرة انا طالبة فى حاسبات علشان كدة حبيت ارد واشرح ظروفنا بردوا

hanyfathy · #3 30-12-2007, 09:50 مساءً

السلام عليكم

اولا اعرفكم بنفسى
هانى فتحى طالب بحاسبات ومعلومات - الكليه مش المعهد-
اولا طبعا اقول للبشمهندس محمد امين انه لسه مفيش نقابه لمهندسى البرمجيات
esea عباره عن جمعيه لطلبه وخريجى الكليه يعنى لسه مش نقابه

لكن بختلف معاكى يابشمهندسه y.k.t
فى موضوع ضم المعهد للنقابه - اذا اتعملت يعنى-
لان لو ضموا معانا المعهد تبقى حاجه تشجع المسؤلين انهم يعملولنا نقابه سوا
ويحلوا مشكلتين مره واحده

ياريت كمان ينضموا معانا فى الجمعيه
مع ان شروط العضويه تشمل الطلاب والخريجين واعضاء هيئه التدريس والشركات العامله فى المجال فقط

فى النهايه ياريت يابشمهندس محمد تدينا فكره عن الدراسه عندكم فى المعهد وهل هى جديه ؟

والسلام خير ختام

y.k.t · #4 24-01-2008, 06:41 مساءً

اهلا بيك باشمهندس هانى
انا عايزة اقولك ان احنا مش علشان عايزين عدد كبير علشان نكون النقابة يبقى ناخدهم معانا
احنا كلية وهم معهد لو انضموا لينا مش هيكون فى فرق بنا
لانهم هيدرسلهم نفس اللى بيدسرولنا وكمان يشتركوا معانا فى الكلية والنقابة يبقى مفيش فرق بقى احنا اصلا لما هانعمل النقابة دى علشان يبقى لينا حقوقنا واللى من ضمنها لقب باشمهندس اللى كتير مش معترف بية هم كمان كدة هيخدوة معانا وهناك فرق
دى رأى وكل الأ راء التانية تحترم وياريت باشمهندس محمد يدينا فكرة عن مدى الصعوبة فى المعهد
سلام عليكم

Eng.Mohamed Yousry · #5 15-11-2009, 08:27 مساءً

السلام عليكم ورحمة الله وبركاته

اولا احب اعرفكم بنفسي اسمي محمد يسري مهندس تنفيذي نظم معلومات وبكالوريوس نظم معلومات من معهد حاسبات ابوقير اومعهد حاسب الي ابو قير وقريبا باذن الله هبقي مهندس إستشاري في نظم المعلومات تخصص ERP
اولا احنا بناخد المواد دي

MIS - 001 Year

- Introuduction in Computers
- Operation Systems
- VB
- Economic1
- Basic of Accounting
- Mathematics
- Organizational behavior
- Management 1
- English
==============================

MIS - 002 Year

- MIS
- Marketing
- Mathematics of Investment
- Statics 1
- English
- Multimedia
- Web Design
- SQL Server 1
- Business of Accounting
- Business of Law
- Production
=============================

MIS - 003 Year

- SQL Server 2
- Operations Research
- Economic 2
- Statics 2
- C, C++
- C#.NET
- Systems Analysis
- Business Adminisiartion
- Ecommerc Electronic
- Marketing Developments Programming
- English
=============================

MIS - 004 Year

- Networking Design
- Project
- Feasibility Study
- VB.NET
- DSS
- JAVA
- Communications
- Management of Programming
- AIS
- Crystal Report Design
- Companies
- Wev Developments
- Basics of MRP
- Basics of ERP

وممكن في مشروع التخرج تعمله عن الروبوت او كهرباء الاتصالات والإستشعار عن بعد او قواعد بيانات كبيرة باستخدام الاوركال او .... فالحمد لله المعهد ده بجد بيخرج مهندسين فاهمين في الحاسبات وصناعة البرمجيات ومجال الإتصالات والرسوم والمتحركة و نظم المعلومات الجغرافية والإدارية

بالنسبة للإتصالات دي مش مادة دي كانت زي معلومات دكتور الكهرباء كان بيشرهحلنا في نهاية كل محضرة حاسبات .. من الاخر الموضوع لذيذ جدا ..

ومن الممكن لخريجي هذا المعهد الحاصلين علي تقدير جيد جدا او امتياز تحضير دراسات عليا بكليات الحاسبات والمعلومات الحكومي

وبالنسبة لأعضاء هيثة التدريس مش من هندسة إسكندرية بس - فيه دكاترة من علوم وتجارة وفنية عسكرية والأكادمية العربية وحقوق .. وبجد الدراسة هناك جميلة جدا ايام انا ماكنت هناك وأعتقد ان شاء الله مافيش تغير لسة.
نصيحة مني: لو مجموعك في ثانوية عامة جابك كلية وانت مش عايزها وكان نفسك تدخل نظم معلومات نصيحة مني اخدل المعهد العالي للحاسب الالي ونظم المعلومات وهتاخد بكالوريوس نظم معلومات وهتلاقي فرصة شغل باذن الله طالما انت غاوي المجال

أبو أنس المصري · #6 07-12-2009, 11:16 مساءً

خلاص يا جماعة أنا بصراحة ميكانيكا ومن القاهرة، يعني لا حاسبات ولا السكندرية وكمان بره مشكلة المعاهد والجامعات
حواركم شيق جداً، بس أنا شايف إن احنا أحسن نروح القسم وهناك كل واحد ياخد حقه

العبرة في النقابات ما نسميه "المهنية" وبالإنجليزي professionalism وليس المسميات سواء معهد جامعة خاص أو بفلوس مادام يحافظ على نفس عدد سنين الدراسة ويكون الهيئة معتمدة من المجلس الأعلى للجامعات ومضمون إن نفس المناهج تدرس وإنه كمان الخريج يملك نفس المقدرات

على العموم يبدو إن بعد كلمتيني دول لازم ألحق أجري أحسن الضرب يوصلي
دمتم في رعاية الله
والسلام عليكم ورحمة الله وبركاته

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

مشاركة إعلانية ::