بسم الله الرحمن الرحيم
السلام عليكم ورحمة الله وبركاته

الموضوع وما فيه .. هو ليه احنا بنتعامل كده جوه بلدنا
اكيد فاهميني طبعا .. انا بشوف حاجات غريبة جدا بتحصل
اي حد من اي بلد تاني .... له يتأمر عليك .. وله جميع الصلاحيات
وانت تقريبا كده مواطن درجة رابعه أو خامسة
اذا كان برة مصر بيعاملونا على اننا مواطنين درجة تانية
يبقى احنا جوة بلدنا بنتعامل ليه احقر من برة بلدنا
بجد الموضوع ضايقني جدا
تشوف واحد سايح مايستاهلش شلن .. وراه كام عربية شرطة وكام عسكري
ونوسعله الطريق وانت تقف على جنب .. وحتى متحاولش تبص عليه
لجان تفتيش في كل حتة تقولش رايح تفجر حاجة ..
ويا سلام لو قلت انتو بتفتشوني ليه .. يا سلام بقى مش هقول لكم
واي عربية تانية نمرتها جمرك اي مصيبة .. يترفع لها الحواجز وتعدي
هو في ايه .. ليه كده يعني .. هو للدرجة دي المصريين بقو وحشين كده
طيب هو العيب فينا فعلا .. ولا العيب في ايه
هو احنا اصلا كده .. يعني نستاهل كل ده فعلا .. يا جماعة حد يفهمني والله
انا بجد مندهش من اللي بيحصل ده
هل هيوصل بينا الحال كمان شوية اننا ممكن نخدم الاجنبي اكتر من كده داخل بلدنا
بس بجد انا مضايقني الوضع ده جدا
واحب اقول لكم اني والله مش بقول كده ناقم على حد او حاجة
انا بحب البلد دي اكتر من نفسي
لكن بردو مش بكون مبسوط لما اتهان علشان واحد في نظري ما يستاهلش بصلة
والله يمكن البصلة تساوي عنه كمان
عموما انا خلصت اللي عندي
ومش عارف بقى انتو هتقولولي ايه
سلام

السياحة خير للبلد .. ولو الخير ده بيعود عليك وملموس فى حياتك

مكنتش قلت كدة .. ولكن مع الأسف .. المستفيد شلة حاكمة .

السلام عليكم
ماتحرق دمك ولا شي
البشر هدول عالم غريب
الكل بيدور عمصالحه
وما حدن عاجب حدن هالايام
لكن الله موجود و شاهد عكل شي
مش رح احكي اكتر من هيك
دعواتكم نخلص من هالسجن الكبير

ليه

اقتباس: المشاركة الأصلية كتبت بواسطة أبوبلال    السياحة خير للبلد .. ولو الخير ده بيعود عليك وملموس فى حياتك مكنتش قلت كدة .. ولكن مع الأسف .. المستفيد شلة حاكمة .

بصراحه الراجل ده بيتكلم صح